百佳的膠袋風波

百佳推出不派膠袋計劃幾天，搞得滿城風雨

幾天後終於捱不住社會的壓力，取消這個計劃

輸了幾天生意、輸了用來推廣這計劃的錢和功夫

也輸來本來想得到的企業形象

計劃一開始是，百佳換上用較易分解的膠袋

但不派膠袋，客人每取用一個就要額外收取 $0.2

後來強烈澄清是 "被勸籲捐$0.2給公益金"

過了幾天門可羅雀的境況，終於由高層喊停計劃

百佳此次的計劃，相信是乘著政府積極研究製定環保政策

想搶先推出以環保為名的手段，一方面給政府面子

一方面也好盡企業的社會責任，建立企業形象

可惜這步棋，也太高估了香港市民的公民意識

香港人還是不接受要付出額外的金錢去取得「本來應該有」的東西

對，香港人就是習慣了「老憑」嘛

我去惠康都有膠袋不用比多$0.2，我點解要去百佳喎

如果在日本的話，相信百佳這膠袋政策應該會湊效點

日本人面子最緊要，最怕被人認為「非常識」

因此以環保為名的話，日本人多數不同你計較幾十Yen

最緊要做出來人地認同自己就得了

在香港，大部份會去超市的人都懶理你甚麼環保

你看各大超市政府媒體BYOB推廣了幾年，有幾多人去買野帶環保袋

最Hit的就只有今年那個不太關事的Anna Hindmarch 環保袋

(呢，果個潮袋呢，I am not a plastic bag呀，係環保袋黎架)

假如百佳惠康一齊不派膠袋，香港人可能死死氣會肯比$0.2

不過惠康點解跟風，一直比百佳追住打，點都要趁火打劫一次

所以結局就是，百佳生意直線下滑，嚇到高層不得不叫停

其實百佳今次都算非戰之罪，時機揀得正確

店內放滿一堆環保袋給客人即時選購，配套推廣都足夠

只輸在市民公民意識未夠，同埋輸唔起生意，冇辦法

不過今次都輸得幾難睇，輸錢輸生意固然慘痛

好形象不但建立唔到，仲反而比人覺得「貪錢，生意要緊，扮環保」

真係賠了夫人又折兵，不過唔緊要啦，香港人好健忘又勢利

你出多D勁減全城至低價，生意就返晒黎啦

--

看來「良心產品」，"Fair Trade" 之類的

應該還有一段日子留在City Super 和Three Sixty呢

最平民的Fair Trade 支持企業，只有數到星巴克了