顯示包含「明星」標籤的文章。顯示所有文章
顯示包含「明星」標籤的文章。顯示所有文章

2008年2月10日星期日

新年繼續鬧哄哄

農曆年幾日假,頭條依然陳冠希淫照事件

抓了「源頭」加上幾天假期,反而令照片傳得更瘋狂

聽說到今天為止總共有400多張

現在最令人感興趣的反而不是照片了,是事件到底會如何作結

話說明天阿嬌終於會在傳媒面前露面,不知會作何言論?

講真,事件一發生後就躲起來真是最差的選擇

在危機管理方面說來,一向都主張讓公眾盡早知道事實才是上策

以明星形象來說,先錯報警搞大件事

再錯講個騙白痴的大話躲起來

發燒所以停工?找誰信?

平時還不是最愛炒「帶病出席」扮落力扮敬業嘛?

非常想知道英皇到底會想個甚麼解決方法給阿嬌

如果我說的話,我倒想到一個有機會借機轉型的方法

企出來承認自己正是相中人,當天亦的確同Edison一齊過

「有做過,有影相,當時一齊大家都好開心,做的事都並非唔見得人

明星都係人,有私生活,只係當時大家都冇留意D相有機會流出

的確係太唔小心,事件入面女星同Edison都係受害者

令大家失望好對唔住,希望大家唔好怪我們,唔好怪陳冠希

我希望仲有機會為大家提供娛樂」

講真,佢真係企出來咁講,幾勇幾型

我估有唔少人會欣賞佢,再來咪轉型行成熟、敢言、率直果條水囉

香港又根本冇呢一類女Artist喎,有得做丫

反正都冇可能再扮天真扮純情扮可憐啦

貼晒地冇得再輸,不如搏一搏可能有望死而後生啦

2008年1月30日星期三

滿城風雨的淫照事件

極具話題性的陳冠希與眾女藝人(可能)的淫照事件

前天網絡上先是出現一張Edison與Gill的床照

然後同一天再出現Bobo和Edison的口交照片

至到昨天更出現Edison和Gill的床照連環圖

外加幾張柏芝的性感(飛機?)照

先不理照片是真是假,整件事最受益的其實是各大報社

今個星期的書報,只要把從網上拿下來的照片加工刊出

外加幾個「消息者說」「據報」偷拍等等放上封面

肯定升紙

我倒也不是十分有興趣,不過我人太八卦,消息四方八面來

總之現在流傳的照片都看過了

其實也沒甚麼特別吧,真又如何?假又怎樣?

要看藝人的床照為什麼不看AV?想看甚麼都可以

食飯大解上床誰不會做?當明星賣的根本是賣形象賣外殼

你看到的明星,是假的都是做出來的有甚麼問題

一開始已經說明了娛樂圈是賣想像賣夢想的

就如你看一套恐怖片,卻一直在探索中間的做假,不是好無聊嗎

人就是這種生物,總是看不過眼別人好

人家用錢用時間建立的形象,就是一直想看人定被挖臭事

見別人有錢投資得利,總是渴望見人地損手虧本

為什麼不能夠好好享受好的事?

那些床照淫照,遠遠不及我平時看的AV好看

有些AV女優,明明比阿Gill漂亮... 人總是有奇怪的心態

節錄一句網上看到的言論︰

「公眾人物自有佢地既遊戲規則

受唔住既, 做返普羅大眾的一員吧, 根本就可以面目模糊了」

我就覺得是酸溜溜見不得人好的心態了

2007年12月27日星期四

全港年度勁爆百鳩幾個獎頒獎禮豬肉王

我要多謝新城~~~~

非常有趣的頒獎禮

不過太不環保了

我建議下年新城為每個得獎人一人做一個獎座

然後在上面寫上他獲得多少個獎項和獎項名稱

例如華仔的獎座,應該如下




勁呀!型到爆~~~ 係咪先?

仲有,其實下年新城可以考慮玩極速頒獎破紀錄

用以上方法,一小時可頒100個獎

而佢可以將節目Cut成2個鐘,變成「最短時間頒最多獎頒獎典禮王」

唔駛等D Artists 一年有最少2個Long Night Show - 東華同新城

坐到2點幾呀大佬,會眼訓架!

另外再多謝新城,同埋金牌唱片

多謝佢地令到我25號晚BBQ有人得閒車我地去XDDDDD

2007年12月6日星期四

有人可以話我知點解嘛?

點解關楚耀呢隻歌要叫羽海野千花?!

羽海野千花

作曲:李漢文
填詞:方杰
編曲:李漢文
監製:雷頌德/陳西敏

當海鷗 春天飛過散下羽毛 連綿於深海
一點點 來回循環過千億載
你或發現羽海一片 浸沒了十隻鯨魚

一朵花 不可擺滿一幅荒野 然而張開的
千朵花 形成全憑那顆種子
要是畏懼滿天風雨 燦爛處便會似廢紙
你別太易說不可以 有很多趣怪事 需要靠點不智

放肆一次 未至於 天真得等觀音賞賜
然而事事都想一試 趁尚有無數主意
聽說天意 像聖旨 都想改變世上存在某些事
讓夢想今天透支 而無需等到下次

一支筆 不可扭轉天空灰暗
然而 一幅畫 一本書 隨時填平世間傷感
遍地也是法規指引 說亂跳亂唱會扣分
你別太易怕得手震 有很多振奮事 需要赤子之心

放肆一次 未至於 天真得等觀音賞賜
然而事事都想一試 趁尚有無數主意
聽說天意 像聖旨 都想改變世上存在某些事
讓夢想今天透支 而無需等到下次

放肆一次 未至於 怎麼方算真心真意
騎著大象飛奔一次 要做到唯有敢試
聽說天意 像聖旨 都想改變世上存在某些事
畫漫畫寫一闕詩 為何不可以造次

轉載來自 ※Mojim.com 魔鏡歌詞網

首歌其實OK好聽,歌詞都好,其實係好soft的鼓勵

非成日都情情愛愛好得多...

其實首詞都約略係講要放膽去試去做,唔好太規範自己

可能因為個歌名,我會聯想到蜂蜜與四葉草果個Mood

我都90%肯定方杰先生係有睇過蜂蜜與四葉草

不過我唔明點解要用個作者名做歌名... 字面完全解唔通

冇睇過的人,亦都唔會有果個「係喎係呢個Mood喎」的感覺

但係我估會多左人去search 「羽海野千花」

因而知道「蜂蜜與四葉草」...應該都係一件好事?

咁要多謝下方杰同李漢嗎? XDDD

講到「蜂蜜與四葉草」...真係我最喜愛的Best 10 動漫作品之一

之前已寫過感想,不寫了

不過「蜂蜜與四葉草」08年春季終於日劇化!好期待!

2007年11月27日星期二

過份執相的後果...

廣告為求出來效過好,一定會執相

Product Shot 沒問題,因為在多數情況下已是CG

主要執的,是廣告中的人物,多數是明星明名人

一來要保護明星形象,廣告商影完要明星經理人揀相才可以出

自然不能拍出來「不夠靚」,人本身不夠靚,便執

二來廣告也是要取閱觀眾令人對產品留下好印象

大部份人都喜歡靚的東西

所以如果不是特登整醜樣來做Gimmick的話,一律執靚

老公見過SKII TVC的後期整作,整個Studio的人在逐格執

TVC都咁執,執Print Adv. 真係食生菜咁食

所以.. 近來好似愈來愈走火入魔,執完幾乎會唔認得佢係邊個




呢個原來係仔仔.... Sorry,我第一眼以為係周柏豪

所以過份執相,人人都變CG人,人人面目模糊

唱歌好D,雖然都係幾乎個個歌手唱完都要執

不過執極有限 (難聽都係難聽XDDD),多數認到把聲

唔似Photoshop咁,可以天花龍鳳

Photoshop有幾勁?未睇過o既可以開下眼界