今日是12月18日
氣溫24度....天呀!熱得要死的「冬天」
前幾年在冬天時看時裝雜誌,看對那些cruise collection
總會說「駛唔駛咁快呀」睇到都冇心情著
香港和一眾時裝聖地同在北半球
而他們永遠在做半年至九個月後的事
今天在香港看他們九個月後的產品,竟然覺得如此合時
的確今年我的冬裝尚未拿出來....
我一向懶,假如不是極需要拿出來,我就會不拿
所以今年「冬天」穿來穿去都是新買的一兩件長袖衫
或是內裡短袖,套一件四季都掛在櫃門上的薄外套
那些大冷衫羊毛底衫長褸通通未見過面
連開季時買來打算聖誕穿的冷衫,而家都驚熱到冇得著
我估我以後夏天衫可以買得豪一點
反正冬天都可以只穿夏天衫
去Party 又只會穿吊帶裙和Tube Dress加件coat
咁即是每年只需要買夏天衫,同幾年Coat就可以了
即是,我買夏天衫的錢可以Double!哈哈
如果一件衫可以四季著,我買的時候貴點都不會心痛了
2007年12月18日星期二
炎炎聖誕節
2007年11月8日星期四
搬舊文 - 新貨落鋪即發市! DDL LE™ book! (2007年5月)
正! Denim Design Lab LE Book 上星期到左香港
在office開了一本來看,其實同Kit入面本細書內容一樣
不過全球限量5000本,每本都有一個no... 加埋個牛仔布book cover
Size又大,咁先有牛仔bible氣勢!
本書好多Denim o既historical facts 同knowledge $790唔係好貴!!
我都想買返本.. 等我o係office睇完我會買架! XDD
今個星期派左佢落鋪頭.. 預左佢唔會咁快就發市..
始終我地鋪又唔係潮鋪.. 雖然聲稱自己係Denim House..
不過Sorry, 冇Denim House 果陣「除」囉.. 所以呢D manic野唔會去得快
點知今日企鋪, 有位意想不到的客人幫趁左呢本書!!
初時唔係我serve佢... 所以直到佢離開果時我先見到佢....
佢係RMC o既馬田一鳴呀!!!! 好suprise! 冇估到佢會o係我地鋪出現
雖然佢應該係去完Toy'rus咁撞彩行上o黎... 哈哈
初時都唔肯定係佢, 直到佢走左我巧合地見到佢張單個名, 先肯定!
我問同事知唔知佢係邊個... 竟然冇人知....
哈哈.. 唔認得樣就好正常o既. 始終不是明星嘛
不過講到名都冇人識! 就太奇怪啦......... 點都叫時裝店Sales丫...
唉........咁你點賣牛仔褲呀同事!!!!!!!!!!??????????????
我反而係覺得好可惜冇經會向馬田一鳴先生偷下牛仔經...哈哈
搬舊文 - 車仔麵Print Tee (2007年5月)
所謂的車仔麵Print Tee 並不是用一碗車仔麵做print的Tee
而是今天無意中發現的一個美國的Tee網頁 innerTee
這個網頁可以讓你customise一件自家Print Tee
只需要先選好Tee的Cut和顏色, 用它已有的一堆art work
左砌右併, 加少少創意, 加少少Gag(?!) 一件型Tee便誕生了
至於價錢, 就按照你選的Tee, 還有每一個art work計錢, 真是像極了叫車仔麵的方法!
Tee是麵底, Print就是配料, 根本就是車仔Tee了! 哈哈
而整完出來的麵...不是.. 是Tee, 除了可以自己買來自用, 也可放在其網頁上讓人買!
這個網頁有International Shipping, 即是就算你不在美國境內, 只要有信用卡也就可以買了!
如果不想自己整, 也可以直接購買網頁上其他人Mix出來的作品, 也有不少好好款的
至於網頁上用的Art Work 來源也是其User, 如果你覺得自己的設計了得,
或者想做一件完完全全是自家品味的車仔Tee, 也可以先submit自己的art work
等對方Approve了的話, 就會放到網頁上讓人使用
除了你自己可以用來做自己的Tee, 別人用你的Art work放在Tee上時, 聽說你也會收到$$呢!
http://www.innertee.net/catch_a_piggy 我貪玩地胡亂試了一件看看
也不錯呢... 正在考慮好不好花錢買回來...
平時買Tee也要百多二百元, 這種車仔Tee也是差不多的價錢, 玩得過呢!!!
搬舊文 - EDWIN Jeans (2007年5月)
一向都不是極愛牛仔褲的Jeans-holic, 也不太著重甚麼幾年洗水Vintage Detail 之類
總之挑牛仔褲最緊要看Cutting是否穿的自己好看,而且穿得是否舒服!
最近因工作關係接觸到日本的牛王EDWIN Jeans, 發現他們的牛仔褲cutting很正,又穿得很舒服!
http://www.edwin.co.jp/home.html
說到日本牛王,十個有九個人會答你Evisu或者MMJ,查實Edwin先係日本Sales No.1的牛牌
Edwin同Evisu大約同時間在日本面世的
Evisu就玩新,EDWIN就玩舊! Evisu玩貴,EDWIN又反而好抵著喎
EDWIN日本的代言人原來係好型的土屋安娜,原來Brad Pitt 又係佢Global代言人!
如果講潮流Detail, EDWIN又一定唔係最潮o既牌子,
不過穿上身就知,EDWIN用的牛仔布都是日本原料
加上其503的處理技術 (對,EDWIN的No. 不是Cutting的Code, 而是一種系統的統稱,
505是Vintage,503是令牛仔布軟一點的處理)
令牛仔褲穿上身不會又硬又「鞋」,反之是一種貼得來軟熟的感覺,
可能軟熟易穿的牛仔褲未必係你杯茶,不過我就好鍾意!
如果想搵好著的牛仔褲的朋友不妨試呢個牌子!
女裝潮興Skinny Jeans, EDWIN都有出,不過係旗下專出女裝的Something同Vienus Line
有一隻褲管係三骨設計,著起真係超細身美腿!
http://www.e-edwin.jp/shopdetail/005005000005/order/
香港上年在海港城新開返間EDWIN的專門店,OPEN都有EDWIN Coner..
之不過D款都係冇日本咁齊呢.......
