香港寬頻Print Adv. 還擊 (小克第二彈)

香港寬頻 Reaction Time 極快，即日抽起所有TVC

4日反先出返個Print Adv. 反擊 (刊於AM730)

估計極速製作TVC約個多星期，下星期應該有TVC見街！

不過講返個Print Adv. ，似乎低手左少少

睇完只覺得係發爛渣，小孩子等級的意氣爭吵

香港寬頻沒有為自己的產品辯護，只虛無攻擊PCCW

冷嘲熱諷一來冇Point，二來只令人覺得香港寬頻有陣醋味

PCCW唔需要平面一條街500條光纖的，佢可以鋪上樓都有咁長喎

香港寬頻的光纖只鋪街線，唔上樓的？

另外PCCW自己都講明，PCCW 1000+係新服務計劃

用舊計劃自然未見光纖入屋，用緊電話線亦唔奇

就正如我沒申請香港寬頻，是否亦可以問「點解我屋企冇光纖？」

香港寬頻呢個Print Adv.真係幾有技窮感覺

如果係我，寧願唔出好過，反而留返TVC一次過反擊

希望下星期唔會令人失望