搬舊文 - 煙花特別多 (2006年2月)

今年煙花真的特別多

不止看得多, 自己也落手放了~! 好久沒玩了!

今年終於跟了老公上順德過年

年初四一早10:45的船... 由於first class冇人坐

即時加$10就可以upgrade上去坐...鬆動好多!

由於有少少delay, 返到去已經1點幾...食左個lunch就訓 (豬!)

到左7點幾... D uncle auntie o黎晒又去食Dinner...

之後.... 咪又返去訓囉....XDDD

訓之前見到對面樓有人狂放煙花... 其實唔係特別靚

不過咁近距離睇又係唔同D~~即時「嘩嘩~」咁樣...傻左

初五同初六就精彩少少... 我地跟左去御溫泉

由於新春人多.. 淨返2個「豪華大房」..雖然貴, 不過唔係我地錢, 我地當然樂於享受~~呵呵! 著住套Yukata周圍走~~ 不過我成日走光... 件野太大啦....

怕人多, 所以我同老公都打算晚上先去浸, 之前就賭博渡日...發現老公好鍾意恰佢地表弟表妹....好衰!

浸泉之前去左放煙花! 好開心有得放煙花!! 老公買左仙女棒比我! 我鍾意玩呢D拿在手上的煙花多D~~ 果D點火放上天度爆有咩咁好玩喎.....唔....

見住人地D煙花係咁爆上去... 我企o係老公隔離唱煙火的季節..嘻

之後就去左果度個keraoke lounge 食野...唔好提啦.. 又貴又難食又冇得唱...算啦... 有人比錢...由得佢

12點幾去浸泉! 果然好多地方都冇乜人~ 我同老公就成日可以2個人浸一個泉~~好開心! 玩到3點多就返房.. 阿表弟同佢女朋友搵到位o係泉區訓天光....勁

第 二朝起到身食個免費早餐.. 我覺得個早餐係御溫泉中最好食的一餐! 雖然係普通野.. 不過就係因為係普通野, 好難唔好食! 食完返房執野... 有一場小風波.. 就係唔見左張匙卡.. 我有記憶我地係借過.. 不過唔知最後比左邊個... o係爭D要比錢拎過張新的時候... 有人阿丈發現張卡o係自己個袋.....O晒咀

回程時去了一個龍蝦場吃Lunch.. D野都OK不過地方太污糟..成場食飯我就不斷用手趕蒼蠅...好慘..好核突...

果度有得釣龍蝦(仔), 不過就咁用個魚勾都冇可能釣得到.. 不過阿表弟女朋友好聰明... 發現左用2支竹夾上來! 勁! 我有樣學樣都夾到2隻架! 不過後來D Uncle Auntie 勁到落池用手捉.. !!

果邊仲有過果園.. 不過D野真係唔多睇得.. 只係有隻好似古天樂(XD)的唐狗仔好可愛! 係咁跟住我地玩~~但我地玩左一陣都有少少悶.. 就坐低打牌.. 但打左一圈就比人叫停回程了

跟住佢地去左海泉灣行左個圈! OK喎! 下次好想同goods朋友去!! 一個人一千左右啦.. 都OK架!

Dinner係水蛇粥.. 返到順德食.. 因為我地o係車度訓左.. 唔係太累..不過見到阿表弟個樣就覺得佢好累... 渣車真係辛苦

食完Dinner...表弟女朋友話返去打埋4圈~我梗係話好! 打完就出左去搵按摩~~ 我同佢淨係沐足, 老公同表弟就玩泰式按摩..XDD

最後一日o既遭遇唔多好.. 我有D火.. 不過順利返左香港.. 就算啦~

今次行程都幾開心! 雖然冇乜食神, 不過全程都唔洗自己比錢.. 連船飛都是利是錢~~~幾好啦~~~!