又一個好笑補習廣告

AssMan...唔係，係S.Men！當代書院再獻新猷

多謝哩哩Send比我的，請Click入去睇

http://www.tcirc.com.hk/index.php

今次玩埋Cosplay添！但係除左S.Men之外

另外2個我都唔識！楚峰去左邊度！？ XDDDD

仲有我考試o係地球考架喎... 打晒宇宙大戰做乜先？

Cyber熱過左啦，星戰都完埋，而家玩復古啦，你唔Out？XD

講返先... 個廣告自然係Target返後生仔女.. 即係去補習果班

中學補習班同小學唔同，已經不會由家長去揀補習

而係直接由學生選擇，所以而家所有補習社，都以直接impress學生為主

好似之前話sell MK o既K.Oten，扮晒明星o既有錢天王Kevin Ko. 就係

老實講如果我是家長，睇到呢一類補習天王.. 我完全唔會比我仔女去

但.. 可惜而家揀補習社，家長都冇Say

只要仔女講一句「呢個好！唔比我補呢個肥左佬點算！」

呢個情況下幾乎10個家長之中有8~9個都只會乖乖地比錢

所以.. 包裝到D補習老師好似明星咁就對了，後生仔鍾意

Cosplay，漫畫，打機.. 後生仔之間又係最Hit最鍾意

猶記得當年中學識的朋友仔，連自己鍾意的偶像出名/得獎

都好似自己入左哈佛一樣咁光榮，可以拎出來晒命咁

當年我都有補習，一科，就係會計B.T Chen囉

一定唔係追明星咁補，補得好唔好？我AL會計得個F囉

但，補習天王教識你一件事...

就係，讀好書真係可以搵到好多錢月薪7位數字的！

--

另加Gino send 來的，最近網絡上大熱的港鐵廣告改圖...

一個少少的收集如下... 應該都是由高登來的吧？














高登巴打真係最Creative的！ XD

阿恆再補埋呢個比我 XDD 唔得啦笑死啦 XDDD