型到震撼呀呢個TVC!真係千呼萬喚!
作為網絡業界龍頭的PCCW,近幾年一直比後起之秀針住打
尤其近期香港寬頻的一堆「用舊電話線上網」的TVC
直頭係指正槍頭目標明確重點攻擊
一直以為PCCW一來覺得自己有龍頭地位不需反擊
二來對手針住上載速度打,PCCW也真的啞口無言
點知原來PCCW低調有原因,今次就一舉反擊夠晒驚喜
先串人地「鋪少少,扮代表」,原來佢地終於推出光纖上網
極速又穩定的上下載,仲要覆蓋全港,贏左!
仲要用老鼠做TVC主角,到底係因為老鼠有在地底工作的形象丫
定係又串埋人地係鼠輩呢?
老公話「你有冇留意TVC入面隻老闆老鼠戴眼鏡呢~~?」
係喎!原來順手又串埋香港寬頻老闆王維基
真係幾似王生喎!(香港電台圖片)
聽講PCCW呢個1000M+,推出之前都極度保密
連大部係員工都係件事出街前幾個鐘先知咁話
所以相信對手應該真係嚇一跳
香港寬頻一直都針對PCCW上載速度不足(永遠只得64k)
所以就算服務極差極不穩定,都拉到一班需要極速上載的客戶
今次PCCW王牌一出,香港寬頻優勢即刻冇晒喎!
仲要之前比人針住打唔反擊令人覺得佢有量度,又好期待佢反擊
到呢個時候反擊不但唔令人覺得佢地意氣之爭
仲反而有Noise又得人支持添,尋晚個廣告一出
網友都即刻談論仲有人舉晒旗支持
呢種廣告戰其實好精彩,唔知PCCW今次出一出招
下一次香港寬頻會點變陣迎戰呢
2007年11月23日星期五
PCCW 1000M+ 反擊了!
發佈者: 小鰻 於 上午11:55
標籤: 電腦野, 廣告, Marketing Related
訂閱:
發佈留言 (Atom)
1 則留言:
哈哈哈~~真係好正呀!
估唔到pccw會咁玩w
發佈留言